.png)
Agjencia e Trajtimit të Pronave ka raportuar se në kuadër të planit për dëmshpërblim të pronave kanë përfituar 25 subjekte nga 254 në monitorim.
Në raportin e dërguar në Ministrinë e Financave nga ATP-ja theksohet se dëmshpërblimi total arrin pak më shumë 49 milionë lekë.
“Janë kompensuar 25 subjekte me vlerë 49,115,904.46 lekë, sipërfaqja e kompensuar fizikisht është 1,009,645 m2, vlera e të cilës është 196,463,618 lekë, dhe 1 mbyllje procedimi.”
Fondi i kompesimit për raste të veçanta është në shifra më të larta, mbi 175 milionë lekë, ku përfshihen pronarët që heqin dorë nga pjesa më e madhe e përfiitmit për ta marrë pa radhë, të cilët numërohen 75.
ATP-ja trgeon se 148 subjekte kanë përfituar këstin e viteve 2016-2019 me vlerë mbi 481 milionë lekë.
“Kompensim me raste të veçantë: gjatë vitit 2020 janë kompensuar 75 subjekte me vlerë 175,441,434 lekë dhe 148 subjekte që kanë përfituar këstin e radhës 2016-2019 me vlerë 481,216,781 lekë dhe 5 mbyllje procedimi.”
Gjatë kësaj periudhe aplikime të reja pranë Sektorit të Trajtimit të Kërkesave të Veçanta gjithsej në total janë 55 subjekte ndërsa Aplikime të kaluara me memo nga Sektori i Kompensimit Financiar dhe Fizik në Sektorin e Trajtimit me Kërkesë të Veçantë gjithsej në total janë 49 subjekte.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje