Poetja e inaugurimit të presidentit Biden: Jeta ime ndryshoi në 6 minuta

11:02 - 01 Prill 2021

“Jeta ime ka ndryshuar në gjashtë minuta, unë ende duhet të mësohem. Por nëna ime, motra ime binjake më bëjnë të mbaj këmbët në tokë, ato janë shkëmbinjtë e mi”.

Kështu është shprehur për BBC, poetja Amanda Gorman, e cila tregoi sesi ka ndryshuar jeta e saj që nga inaugurimi i presidentit Joe Biden, kur ajo recitoi poezinë “The hill we climb”, duke u bërë kështu poetja më e re në histori që ka marrë pjesë në këtë ngjarje.

“Edhe qeni im Lulu më sjell përsëri në tokë, për të unë jam akoma i njëjti person”, thotë me shaka Gorman.

Poezia që recitoi në inaugurimin presidencial i ishte kushtuar dhunës brenda dhe jashtë Kapitolit disa javë më parë.

“Unë e zgjodha titullin vetëm kur e mbarova, për ditë me radhë në dokumentet në kompjuterin tim e quajta ‘Poezia Inauguruese”, tha poetja e veprës së saj. Ndër të tjera, ajo e vë theksin edhe te kurajo për të guxuar.

“I detyrohem nënës sime dhe grave të tjera me ngjyrë në jetën time, për dhuratën e të shprehurit atë që mendoj. Nëna ime gjithmonë më ka inkurajuar për zërin tim”, tha Gorman, duke kujtuar se kur ishte në shkollë ajo ishte në gjendje të mbrohej nga bullizmi dhe për të vlerësuar personalitetin e saj, nëna e saj do të organizonte një festë të vogël për të.

Poetja 23-vjeçare foli edhe për Meghan Markle. “Ajo ishte shumë e guximshme për të folur, unë e admiroj atë shumë”.

Amanda Gorman hyri në histori, pasi ishte poetja më e re që është përballur me një ngjarje kaq të rëndësishme. Ajo vendosi të shkruajë një poezi për të sjellë shpresë dhe për të nxitur një ndjenjë të qëllimit kolektiv, në një kohë kur amerikanët po ngriheshin midis një pandemie vdekjeprurëse dhe një dhune politike.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.