Trajneri Edi Reja ka zgjedhur një dyshe të re sulmuese për ndeshjen me San Marinon, e treta në Grupin I të kualifikueseve të Botërorit të Katarit. Nga minuta e parë do të jenë në fushë Broja dhe Manaj, ndryshe nga dy ndeshjet e para, ku ndaj Andorrës luajtën në sulm Cikalleshi dhe Manaj, kurse ndaj Anglisë Cikalleshi, Uzuni dhe Broja.
Ndryshime kanë pësuar të gjithë repartet, duke nisur nga porta, ku luan Tomas Strakosha. Në mbrojtje aktivizohen Gjimshiti, Ajeti dhe Veseli. Në mesfushë këtë herë trajneri italian ka zgjedhur Ramadanin, Laçin dhe Baren në qendër, kurse nga krahët Hysaj dhe Lenjani. Në fakt, duhej të luante Memushaj, por ai ka pasur probleme në momentet e fundit dhe vendin e tij e ka marrë Laçi.
Shqipëria është favorite për fitoren dhe pas kësaj ndeshjeje kuqezinjtë pritet të jenë në kuotën e 6 pikëve. Kombëtarja jonë fitoi 0-1 në Andorra në ndeshjen e parë dhe u mund 0-2 nga Anglia në “Air Albania Stadium”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.