Kualifikueset europiane për Botërorin 2022 nisin menjëherë me një befasi të madhe, me Turqinë që mposht 4-2 Holandën në ndeshjen e madhe të Grupit G. Në Stamboll, turqit fluturuan falë tregolëshit të Yilmaz e rrjetës së Calhanoglu, ndërsa tulipanët u futën në lojë vetëm në pjesën e dytë me Klassen e De Jong.
Surpriza ndodhi në Paris kur Franca kampione e botës u ndal në barazim 1-1 nga Ukraina e Shevchenkos në emergjencë të plotë. Në debutimin në kualifikuese e Botërorit 2022, “gjelat” e Deschamps kaluan të parët në avantazh në minutën e 19′ me të majtën e harkuar të Griezmann. Bleus megjithatë dominimin nuk e mbyllën ndeshjen e në të 57′ u ndëshkuan nga goditja e Sydorchuk e devijuar papritur nga Kimpembe pas shpinës së Lloris.
Belgjika e nisi me një 3-1 ndaj Uellsit grupin kualifikues për Katar 2022: golit të Wilson, që kaloi miqtë në avantazh iu përgjigjën De Bruyne, Thorgan Hazard e Lukaku me penallti. Ata që e nisën keq janë kroatët e Zlatko Dalic, që humbën 1-0 derbin ballkanik me Slloveninë (në gol Lovric). Skuadra tjetër ballkanase, Serbia ia doli të triumfojë me shifrat 3-2 në një sfidë të vështirë ndaj Irlandës, ndërsa në të njëjtin grup, Portugalia fitoi me rezultatin minimal 1-0 ndaj Azerbajxhanit të De Biasit, falë një autogoli të Medvedev në minutën e dytë. Shumë mirë Republika Ceke (6-2 ndaj Estonisë), por edhe Serbia, Rusia, Norvegjia e Mali i Zi.
GRUPI A
Portugali-Azerbajxhan 1-0
36′ (ag) Medvedev
Serbi-Irlandë 3-2
40′ Vlahoviç, 69′, 76′ Mitroviç / 18′ Brouni, 86′ Kollins
GRUPI D
Finlandë-Bosnjë Hercegovinë 2-2
58′, 78′ Puki / 55′ Pjaniç, 86′ Stevanoviç
Francë-Ukrainë 1-1
19′ Grizman / 57′ (ag) Kimpembe
GRUPI E
Belgjikë-Uells 3-1
22’ De Bryjn, 28’ T. Hazard, 72′ (p) Lukaku / 11’ Uillson
Estoni-Republika Çeke 2-6
12′ Sapinen, 86′ Anier / 18′ Shik, 27′ Barak, 32′, 43′, 48′ Suçek, 56′ Jankto
GRUPI G
Gjibraltar-Norvegji 0-3
43′ Sorloth, 45′ Thorstved, 57′ Svenson
Letoni-Mali i Zi 1-2
40′ Ikaunieks / 41′, 83′ Jovetiç
GRUPI H
Qipro-Sllovaki 0-0
Maltë-Rusi 0-3
23′ Dzhyba, 35′ Fernandes, 90′ Soboloev
Slloveni-Kroaci 1-0
15′ Lovriç
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
