Pika kufitare e Kapshticës do të vijojë të mbetet e mbyllur deri në 5 prill 2021.
Autoritetet e Policisë Greke, në vijim të masave të marra nga qeveria mbi përballimin e situatës së krijuar për shkak të pandemisë COVID-19, kanë njoftuar palën shqiptare për shtyrjen e afatit të bllokimit të Pikës së Kalimit Kufitar Kapshticë.
Deri në këtë datë, dalja nga Shqipëria dhe hyrja drejt Greqisë nëpërmjet kësaj pike kalimi, do të mbetet e bllokuar.
Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00, deri në orën 22:00, për të gjithë shtetasit dhe kategoritë e mjeteve.
Për shkak të pandemisë, situata në doganën e Kapshticës, ku nuk lejohet të kalojë asnjë udhëtar drejt shtetit helen apo qoftë dhe mjetet e tjera, vazhdon të jetë e njëjtë që prej nëntorit të vitit 2020.
Personat e vetëm që mund të hyjnë nga shteti grek në territorin shqiptar, janë ata që mund të kalojnë në këmbë, si dhe mjetet e transportit të rëndë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
