Vllaznia rikthehet në krye të Superiores, pasi ka mundur Kastriotin në minutat shtesë me një gol të shënuar nga Ardit Hoxhaj. Një duel shumë i luftuar, i mbyllur në mënyrë dramatike dhe tashmë krutanët shohin Bylin t’u afrohet.
Tirana ia ka dalë të marrë një triumf të madh në transfertë teksa ka mposhtur Laçin me rezultatin 1-2 me golat e djemve të dalë nga akademia, Çelhaka e Ismajlgeci.
Ndonëse synonte një vend në zonën Play Out, Bylis po provon të sigurojë në mënyrë direkte mbijetesën, pasi sot mori një tjetër 3-pikësh mjaft të rëndësishëm përballë Kukësit dhe u ngjit në kuotën e 25 pikëve.
Merr një 3-pikësh shprese edhe Skënderbeu, që ia doli të triumfojë me rezultatin 1-2 në “Loni Papuçiu” të Fierit, përballë një rivali direkt për mbijetesën si Apolonia. Sadriu kaloi në avantazh korçarët në pjesën e parë, ndërsa vendasit barazuan me Mihanën në minutën e 60’.
Kur dukej se gjithçka po shkonte drejt barazimit, Skënderbeu fitoi një 11-metërsh, të cilin e shndërroi në gol Jorgo Meksi, duke u dhënë korçarëve një 3-pikësh të artë, që mban gjallë shpresat për mbijetesë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
