.png)
Vargu i maleve Karakoram në Himalaje përfshin majat më të larta të të gjithë botës. 4 nga majat i kalojnë lartësitë e 7.900 metra përfshirë malin K2 dhe pjesa tjetër mesatarisht arrijnë në 6.100 metra lartësi.
Fotografi polak Tomasz Przychodzien duke lexuar për polakët që gjatë historisë ngjitën këto maja për t’i shpëtuar Perdes së Hekurt të komunizmit, vendosi të ndjekë hapat e tyre.
Kur Tomasz nisi kërkimet për malet e Karakoramit tha se “ishte dashuri me shikim të parë”. Majat ishin të mprehta dhe frikësuese. “Nuk e mendova dy herë dhe vendosa të shkoj,” thotë ai.
Fillimisht, fotografi u pozicionua në Everest, por mendoi që ishte tepër “shëmtuar” aty dhe duke kërkuar gjeti vargun e Karakoramit, pjesë e Himalajave.
“K2 ishte qershia mbi tortë. Le të mos përmendim pastaj shumë maja të thepisura që nuk kanë emër,” u shpreh Tomasz.
Ai udhëtoi në Karakoram në vitin 2019, ku qëndroi 22 ditë. Fotografi tregon se i duhej të luftonte me motin e vrazhdë për të bërë fotografitë.
Pak a shumë një Odise. Pa lidhje interneti, pa linjë celulari, në të ftohtë dhe male të frikshme.
Tomasz ia doli ntë fotografonte Karakoram me të gjithë mrekullinë e tij në një mot të frikshëm, që mund ta dallosh sapo të shohësh pamjet. Ai nuk përdori dron.
Ai tha se për një alpinist ndoshta janë normale, por është e pamendueshme të ngjitet një njeri normal.
Fotografi tregon se ka fjetur në tendë dhe se mbulesa e ajrit të rëndë nga i ftohti ia bënte gjumin edhe më të kënaqshëm.
Tomasz tregon se nuk mund të shikonte bimë apo gjallesa. Të vetmet që kishte hasur ishin disa zogj dhe minj.
Ndërkohë që ngjitej, ai mbante me vete aparatin forografik dhe pajisjet e tij rreth 15 kg, veshjet e shiut dhe 3 litra ujë.
“Për një pamje më të mirë u drejtova tek maja më e lartë. Një erë e fuqishme po frynte. Këmbët nuk më mbanin më dhe pas dy hapash, rrëzohesha,” tregon fotografi polak.
Bashkë me të në vizitën e Karakoramit ishin 30 vetë.
Udhëtimi në K2 ngjante me një shkretëtirë prej gurësh dhe akulli. “Nëse për dikë parajsa është uji i ngrohtë dhe pemët e palmës, për mua është K2 me akull dhe gurë,” shprehet Tomasz.
Burimi: DailyMail
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
