Champions League rikthehet dhe mbrëmjen e sotme do të përcaktohen edhe dy skuadrat e para që kualifikohen në fazën çerekfinale të kompeticionet më të madh për klube në Europë. Në Madrid luhet sfida më interesante.
Pas humbjes minimale në ndeshjen e parë të raundit të 1/8 të Ligës së Kampionëve, Atalanta po përgatitet të përballet me kthimin kundër Real Madrid, ku Berat Gjimshiti dhe shokët e tij do japin gjithçka në fushë. Gian Piero Gasperini karikon bergamaskët përpara ndeshjes së madhe. “Ne kemi një shans të madh dhe duam ta luajmë atë në maksimum – shpjegoi trajneri i Deas -. Qasja do të jetë e rëndësishme, por ne jemi kokëfortë, nuk do të shtrembërojmë mënyrën tonë të lojës”.
The quarter-finals are in sight 👀
— UEFA Champions League (@ChampionsLeague) March 16, 2021
Predict 2 players to score tonight 👇#UCLfixtures | @GazpromFootball | #UCL
“Ne e humbëm ndeshjen e parë, por tani duhet të mendojmë për ndeshjen e kthimit dhe jemi të përqendruar në këtë ndeshje – shtoi Gasperini -. Pas disfatës në ndeshjen e parë, gjithçka është më e vështirë, veçanërisht për vlerën e kundërshtarit, por kemi një mijë arsye ta provojmë”. “Ata ishin favoritë më parë, tani edhe më shumë. Por ne jemi akoma në gjendje, duam të bëjmë një përshtypje të mirë për të bërë një lojë sa më konkurruese”, vazhdoi ai.
“Deri tani ka qenë një Champions e vështirë, por ne bëmë 11 pikë dhe kapërcyem një grup më të vështirë se vitin e kaluar – tha Gasperini -. Tani përballemi me Real që është sigurisht më kompleks, nesër mund ti japim një ndryshim dhe peshë tjetër sezonit”. “Benzema është një nga sulmuesit më të fortë në botë, por Reali nuk ka vetëm atë, ata janë të aftë të shënojnë gola në shumë mënyra – shpjegoi trajneri i bergamaskëve, duke analizuar pikat e forta të Realit -. Nëse do të dimë si t’i bëjmë ballë presionit, atëherë mund të kuptojmë cilat do të jenë mundësitë tona “.
Në fund, asnjë informacion për formacionin: “Gollini ose Sportiello? Unë nuk them asgjë … Zapata? Ne jemi gati pavarësisht mungesës së Hateboer dhe Sutalo, Freuler është skualifikuar dhe Kovalenko nuk është në listë. Djimsiti është rikuperuar”.
Në të njëjtën kohë luhet edhe Manchester City-Borussi M’Glagdbah. Ky duel zhvillohet në “Puskas Arena” në Hungari dhe “Qytetarët” mendohet ta kenë formalitet kualifikimin, pasi e kanë fituar ndeshjen e parë me rezultatin 2-0.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
