Në prag të ditëve festive 7 dhe 8 mars me qëllim parandalimin e përhapjes së infektimeve nga COVID-19, policia thotë se do të shtohen kontrollet policore për monitorimin e zbatimit të masave anti-COVID.
Policia thotë se për shkak të ditëve festive që po afrojnë, do të ketë në fokus të kontrollit, organizmin e festave, grumbullimet, mbajtjen e maskës mbrojtëse dhe shtimin e kontrolleve në ambiente të hapura dhe të mbyllura.
Ndërkohë, Policia e Shtetit gjatë 24 orët e fundit për shkak të mosrespektimit të masave anti-COVID ka gjobitur 792 qytetarë, prej të cilëve 785 prej tyre janë evidentuar pa maskë mbrojtëse.
Ndërkohë, në 24 orë 5 qytetarë kanë shkelur orën policore dhe janë gjobitur me masën administrative prej 10.000 lekësh.
Ndërsa 1 pronar lokali është gjobitur pasi është kapur duke ushtruar aktivitet në kundërshtim me protokollet e sigurisë dhe 1 qytetar ka shkelur rregullat e vetëkarantinimit.
Ndër të tjera, Policia e Shtetit u bën apel qytetarëve që të respektojnë të gjitha masat ndaj Covid-19.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.