Vllaznia nuk ka shkuar me shumë se një barazim 0-0 ndaj Kastriotit. Një hap fals për kuqeblutë që nuk ia dalin të marrin pikë të plota në ndeshjen e luajtur në “Loro Boriçi”.
Shkodranët u hodhën në sulm që në fillim, duke ia dalë ta çajnë mbrojtjen e organizuar të Kastriotit. Imeri ishte ai që provoi i pari, por Hidi i pengoi golin kuqebluve. Më pas Haris Dilaver kishte mundësinë më të mirë për të shënuar, por pak metra me portën u ndal nga portieri i krutanëve.
Nervozizmi për mungesën e golave bëri të vetën në pjesën e dytë, ku ndeshja u ndërpre vazhdimisht për faulle, pa harruar këtu edhe terrenin e vështirë si pasojë e shiut dhe erës së fortë. Barazimi 0-0 deri diku ishte rezultati i duhur, me krutanët të cilët në emergjencë të plotë siguruan një pikë të rëndësishme për tabelën, por edhe për moralin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.