Një punëtor ndërtimi ka rënë nga skela sot pasdite, në pallatin që po ndërtohet pranë rrugës Sali Nivica në Tiranë. Ai ka rënë nga një lartësi e madhe dhe është transportuar me autoambulancë për në spital.
Nga një informacion paraprak i policisë mësohet se punëtori i rënë nga skela është shtetasi me inicialet R.X., 53 vjeç, i cili ndodhet në spital, jashtë rrezikut për jetën. Policia dhe grupi hetimor po punojnë për sqarimin e rrethanave të ngjarjes.
Njoftimi i policisë:
Tiranë/Informacion paraprak
Më datë 15.01.2021, rreth orës 16:40, në rrugën “Sali Nivica”, duke punuar në një pallat në ndërtim ka rënë nga lartësia, punëtori shtetasi R.X., 53 vjeç, i cili ndodhet në spital, jashtë rrezikut për jetën. Shërbimet e Policisë dhe Grupi Hetimor ndodhen në vendngjarje dhe vijojnë punën për sqarimin e rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
