.png)
Zv/Presidenti i Shteteve të Bashkuara, Mike Pence, bëri të premten në mëngjes vaksinën kundër koronavirusit.
Ai mori dozën e parë të vaksinës Pfizer/BioNTech në Shtëpinë e Bardhë, së bashku me gruan e tij, Karen, dhe mjekun Jerome Adams. Ngjarja u transmetua drejtpërdrejt në televizion.
Pence tha se vaksina është e sigurt dhe efektive dhe se shpejtësia me të cilën është zhvilluar është “mrekulli mjekësore”.
Shtëpia e Bardhë tha se transmetimi i vaksinimit të Pence në televizion ka për qëllim “të promovojë sigurinë dhe efikasitetin e vaksinës dhe të krijojë besim te populli amerikan”.
SHBA-të kanë nisur të hënën vaksinimin e popullatës me vaksinën Pfizer/BioNTech.
Për të është deklaruar se është 95 për qind efektive.
Tre milionë dozat e para të saj po shpërndahen në të 50 shtetet e SHBA-ve.
Amerika ka regjistruar numrin më të madh të të infektuarve dhe viktimave nga koronavirusi.
Këtë javë, numri i të vdekurve kaloi 300,000.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
