Futbolli është shpesh një mënyrë shpëtimi për ata fëmijë që e kanë patur jetën të komplikuar. Shumë kampionë të topit kanë rrëfyer episode që i kanë shënjuar kur nuk ishin ende futbollistë, por thjeshtë fëmijë. I fundit i serisë është Jetro Willems, mbrojtësi holandez i Eintracht Francfurt, me origjinë nga Curaçao. E pikërisht nga ishulli i Karaibeve nis historia që i ka rrëfyer Andy Van der Meydes në transmetimin “Andy Niet te Vermeijde“. Ai që e ka parë, në moshën 9 vjecare, të kontribuojë në bilancin familjar në mënyrë të papritur: duke u bërë korrieri i drogës nga Curaçao në Hollandë.
“Në një pikë i mbaruam paratë, edhe kur kishim një punë sidoqoftë nuk dilnin. Kështu prindërit e mi vendosën që do trafikonim drogë ”. Të rriturit kontrolloheshin shumë e në rast të arrestimit të prindërve, çfarë do të bëhej me familjen Willems? “Kështu u sakrifikova unë. Prindërit e mi më shpjeguan çfarë duhet të bëja, sepse isha një fëmijë i çmendur. Por, nëse duhet ta bëja për familjen time, do ta bëja e kaq. Më ngjitën drogën rreth këmbëve. Ndihesha çuditshëm, por askush nuk merrej me fëmijët”.
Jo diçka për të qenë krenar, por për Willems ishte një gjest që shpëtoi familjen. E që, në mënyrë indirekte, e bëri të ishte një futbollist. “Në fund gjithçka funksionoi e për ne ishte si të rishihnim dritën. Prindërit gjetën një punë ndërsa unë doja vetëm të mos gjendesha më në atë pozitë. Gjithë ajo që doja ishte topi. E në fund ai top më ndryshoi jetën”. E nga trafiku i drogës në kombëtaren holandeze, jetë ndryshon e shumë madje!
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
