Presidenti Ilir Meta nderoi me titullin e lartë “Mjeshtër i Madh” pas vdekjes Skënder Kurtin, ish-boksier i shquar dhe trajner. Skënder Kurti ndërroi jetë pak muaj më parë, në prill të këtij viti, pasi ishte infektuar me koronavirus.
Titulli është tërhequr nga djali i tij, Renato, i cili po ndjek gjurmët e të atit, duke u bërë trajner boksi. Motivacioni i akordimit të titullit është: “Për kontributin e çmuar në arritjen e rezultateve të larta në sportin e boksit dhe trajner i shquar i Klubit Sportiv ‘Tirana’ dhe Ekipit Kombëtar. Një personalitet i dashur, i respektuar, një shembull frymëzimi dhe suksesi për të gjithë brezat e rinj”.
“Renato, miqtë dhe kolegët e tij, duhet të jenë krenarë, për atë që Neri ka bërë për boksin Shqiptar, për sukseset e tij dinjitoze në arenën kombëtare dhe ndërkombëtare”- thekson Presidenti Meta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
