Policia e Bulqizës ka ndaluar sot një 53-vjeçar, pasi dyshohet se ka ngacmuar seksualisht një shtetase të mitur 14 vjeçe.
Mësohet se vajza rrinte tek gjyshi në fshatin Gjoricë, ndërsa 53-vjeçari, banor i zonës, të cilit prej disa muajsh i kishte vdekur bashkëshortja, ishte i dehur ditën kur ka tentuar të përdhunojë të miturën.
Burri e ka ndjekur rrugës kur shkonte te shtëpia e gjyshit dhe ka nisur ta ngacmojë seksualisht.
Ndërkohë, një fadromist dhe një banor i zonës, që ishin duke shtruar rrugën e kanë parë 53-vjeçarin dhe e kanë rrahur duke shpëtuar vajzën.
Gjyshja e saj ka rrëfyer momentet e tmerrit për të miturën, teksa tha se “e ka kapur për krahu gocën, ka qenë i dehur. E ka ndjekur që nga shkolla. I dilte gocës herë para e herë mbrapa, e ka kapur për krahu, e ka tërhequr dhe vajza është rrëzuar”.
Më tej, gjyshja tregon se nëna e të miturës ishte divorcuar me bashkëshortin dhe e kishte lënë vajzën në fshat, tek e ëma, ndërsa vetë ishte martuar në Maqedoni me një burrë me fëmijë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
