.png)
Një ngjarje e rëndë ka ndodhur në qytetin e Shkodrës një ditë më parë. Një efektiv i policisë rrugore është dhunuar nga një person në Shkodër.
Shtetasi i identifikuar nga policia si Indrit Shtegu ka rrahur punonjësin e policisë, Hysni Idrizi.
Ngjarja ka ndodhur në qendër të qytetit të Shkodrës në lagjen “Parrucë” në orët e pasdites.
Shtegu, i cili është shpallur në kërkim ka parkuar në kundërvajtje mjetin triçikël në lagjen ‘Parrucë’ duke e vendosur në një parkim dysh.
Në atë moment efektivi Idrizi është gjendur aty dhe i ka vendosur një gjobë drejtuesit për parkim në kundërvajtje.
Pas gjobës të dy janë konfliktuar e më pas Indriti ka filluar të godasë me grushte efektivin duke i shkaktuar plagë.
Ai është dërguar menjëherë në spital ndërkohë që autori është larguar nga vendi i ngjarjes dhe ndodhet ende në kërkim.
Nga kontakti i policisë me familjarët mësohet se këto të fundit janë shprehur duke i thënë efektivëve se Shtegu ka probleme të shëndetit mendor megjithatë kjo mbetet për t’u verifikuar.
Policia vijon kërkimet për arrestimin e Indrit Shtegut, i cili akuzohet për veprën penale “goditje për shkak të detyrës ndaj punonjësit të policisë” si dhe “kundërshtim me forcë i punonjësit të policisë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
