.png)
Policia e Shkodrës ka goditur një rast të veprimtarisë kriminale në fushën e kultivimit dhe trafikimit të narkotikëve, duke arrestuar dy persona dhe shpallur në kërkim dy të tjerë dhe ka sekuestruar 8 kg lëndë narkotike.
Në pranga kanë rënë shtetasit T. K., 39 vjeç, banues në fshatin Theth dhe A. T. 23 vjeç, banues në fshatin Abat, Shkodër.
Gjatë ndërhyrjes së policisë, 39-vjeçari ka tentuar të largohet më shpejtësi, por është ndaluar në ndjekje e sipër nga shërbimet e Policisë. Në kërkim janë shpallur shtetasit GJ. L. dhe M. D.
Sipas policisë, këta shtetas janë konstatuar në fshatin Reç, duke transportuar lëndë narkotike dhe në momentin që është ndërhyrë nga punonjësit e policisë, mjeti tip “Renault” me drejtues shtetasin A. T. dhe pasagjer shtetasi T. K. ka tentuar të largohet më shpejtësi, por është ndaluar në ndjekje e sipër nga shërbimet e Policisë.
Pas ndalimit të mjetit dhe kontrollit të ushtruar në pjesën e pasme janë konstatuar dy çanta dhe një qese plastike me 8 kg lëndë narkotike cannabis sativa, e cila u sekuestrua në cilësinë e provës materiale, së bashku me automjetin dhe 2 aparate celular.
Materialet iu referuan Prokurorisë së Rrethit Gjyqësor Shkodër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
