.png)
Dy pronarë lokalesh janë arrestuar në fshatin Mbrostar në Fier, pasi ushtronin aktivitet me muzikë në një lokal nate në kundërshtim me rregullat e vendosura për shkak të pandemisë së COVID-19.
Lokali i natës ishte gjobitur më parë dhe i ishte pezulluar aktiviteti për një periudhë 6-mujore.
“Gjatë ushtrimit të kontrollit në këtë subjekt, pronarët e subjektit, shtetasi A. H. dhe shtetasja D. M. kanë kundërshtuar punonjësit e Policisë së Rendit’, thuhet në njoftimin e policisë.
Në pranga janë vënë shtetasit A. H., 24 vjeç dhe shtetasen D. M., 47 vjeçe, banuese në Vlorë. Mbi to rëndojnë akuzat për veprat penale “Fshehja e të ardhurave”, “Mospagimi i taksave dhe tatimeve”, “Kundërshtimi i punonjësit të policisë së rendit publik” dhe “Moszbatim i masave të autoriteteve shtetërore gjatë gjendjes së masave të jashtëzakonshme apo gjendjes së epidemisë”.
Materialet do t’i kalojnë Prokurorisë pranë Gjykatës së Shkallës së Parë Fier, për veprime të mëtejshme procedurale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
