.png)
Një plagosje ka ndodhur gjatë natës në Durrës teksa një 40-vjeçar nga Mirdita ka qëlluar me armë zjarri në këmbë një 36-vjeçar tjetër.
Policia thotë se bëhet fjalë për 40-vjeçarin G. S., 40 vjeç, banues në Mirditë, i cili është shpallur në kërkim.
I plagosuri ka qenë i dënuar më parë për dhunim në banesë të kryer në bashkëpunim, kurse autori është tashmë në kërkim nga Policia.
Ngjarja ka ndodhur rreth orës 1:00 të natës në Gjuricaj dhe konflikti ka qenë për motive të dobëta.
“Ky shtetas, më datë 06.10.2020, rreth orës 01:00, në fshatin Gjuricaj, Ishëm, Durrës, pas një konflikti të çastit për motive të dobëta, ka plagosur me armë zjarri në këmbë, shtetasin E. T., 36 vjeç, banues në Ishëm, Durrës, i dënuar më parë për dhunim banese, kryer në bashkëpunim”, thuhet në njoftimin e policisë.
I plagosuri ndodhet në spital, nën kujdesin e mjekëve, jashtë rrezikut për jetën.
Materialet i kaluan Prokurorisë së Rrethit Gjyqësor Durrës, për veprat penale “Armëmbajtja pa leje” dhe “Plagosja e rëndë me dashje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
