.png)
Policia e Gramshit ka parandaluar përshkallëzimin e një rasti të dhunës në familje.
Policia ka arrestuar në flagrancë një 60-vjeçar që dhunonte bashkëshorten e tij, ndërsa i është sekuestruar edhe një armë zjarri automatik dhe 1400 fishekë.
Në pranga ka përfunduar shtetasi me inicialet R. D., 60 vjeç, banues në fshatin Zgjup, Gramsh.
Ka qenë bashkëshortja e 60-vjeçarit ajo që ka njoftuar policinë me frikën se “burri do e vriste”, pasi në banesë kishte dhe armë zjarri.
Gjatë kontrollit në banesë, 60-vjeçarit iu gjetën dhe sekuestruan në cilësinë e provave materiale, një armë zjarri automatik dhe 1400 fishekë, që i dispononte pa leje.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme procedurale, për veprat penale “Dhuna në familje” dhe “Armëmbajtja pa leje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
