Vdekja e shtetases Enisa Doda nga Burreli, por banuese ne Bathore, e cila kishte shkuar për pushime me familjen, ka ardhur si pasojë e një aksidenti me motor uji. Policia e Shkodrës ka ngritur tre akuza për 25-vjeçarin Indrit Bajraktari, i arrestuar pak orë pasi në plazhin e Velipojës u gjet e pajetë, e mbytur në det 17-vjeçarja. Ndërkohë sipas akt-ekspertizës nga ana e mjekut ligjor, rezulton se vajza kishte shenja dhune.
Nga tërësia e veprimeve hetimore rezultoi se më datën 19.08.2020, rreth orës 14:00, në vendin e quajtur Vilu, plazh Velipojë Shkodër, 25 vjeçari ka hyrë në det me motor uji të marrë me qera së bashku me viktimën. Rreth orës 16:30, ai ka dalë në breg pa motorin e ujit duke lënë të mbytur në 17 vjeçaren, e cila u gjet e pajetë pasditen e djeshme nga një peshkatar rreth 700-800 metër larg bregut te detit.
Materialet i kaluan Prokurorisë pranë Gjykatës së Shkallë së Parë Shkodër për veprime të mëtejshme për veprat penale “Shkaktimi i vetëvrasjes”, “Moskallëzimi i krimit” dhe “Veprime që pengojnë zbulimin e së vërtetës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
