.png)
Në seacën e fundit para së të marrë pushimet, KPK ka shkarkuar nga detyra gjyqtarin e Apelit në Shkodër, Aleks Nikolli.
Vendimi u dha sot.
Aleks Nikolli ishte pjesë e trupës së gjyqtarëve që prishën dënimin me burg përjetë për Dritan Dajtin.
Trupi gjykues që bëri procesin e rivlerësimit ndaj tij përbëhej nga Brunilda Bekteshi kryesuese, Olsi Komici relator dhe Lulzim Hamitaj anëtar.
Gjatë shqyrtimit të pasurisë, në një seancë që zgjati disa orë të enjten e kaluar, KPK konstatoi mungesë burimesh të ligjshme dhe ngriti dyshime për veprime fiktive nga ana e gjyqtarit të Apelit të Shkodrës, Aleks Nikolli, ndërsa ky i fundit kundërshtoi analizën financiare dhe kërkoi konfirmim.
Në vitin 2019, Aleks Nikolli u vu nën hetim për korrupsion nga ish-Prokuroria e Krimeve të Rënda, si një nga tre gjyqtarët që vendosi zbutjen e dënimit të Dritan Dajtit- i dënuar për vrasjen e 4 policëve, Dëshmorë të Atdheut. Megjithatë, procesi i vetingut për të u mbyll vetëm me kriterin e pasurisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
