Studimi: Si të agjërosh përditë për t’u dobësuar

Një studim i fundit raporton rezultate nga një hulumtim klinik që krahasoi një dietë ushqimore në formën e agjërimit të përditshëm, duke ngrënë në mënyrë të kufizuar me 4 orë dhe një dietë ushqyerje të kufizuar me 6 orë me një grup eksperimental njerëzish.

“Kjo është prova e parë klinike njerëzore për të krahasuar efektet e formës së njohur të ushqyerjes së kufizuar në kohë në peshën e trupit dhe faktorët e rrezikut kardiometabolik”, tha Krista Varady, profesore e ushqimit në Kolegjin UIC të Shkencave të Aplikuara të Shëndetit dhe autorja e studimit.

Pjesëmarrësve në grupin e dietës që do të ndërmerrin agjërim duke ngrënë vetëm 4 orë, iu kërkua të hanin vetëm midis orëve 1 p.m. dhe 5 p.m. Pjesëmarrësve në grupin që do të bënin agjërimin duke ngrënë 6 orë, iu kërkua të hanin vetëm midis orëve 1 p.m. dhe 7 p.m.

Në të dy grupet e studimit, pacientët u lejuan të hanë gjithçka që dëshirojnë gjatë periudhës 4-orëshe ose 6-orëshe të ngrënies. Gjatë orëve të agjërimit, pjesëmarrësit u urdhrëuan të pinë vetëm ujë ose pije pa kalori. Në grupin eksperimental, pjesëmarrësit u drejtuan të ruajnë peshën e tyre dhe të mos ndryshojnë nivelin e tyre të dietës ose aktivitetit fizik.

Pjesëmarrësit u ndoqën për 10 javë duke iu kontrulluar peshën, rezistencën ndaj insulinës, stresin oksidativ, tensionin e gjakut, kolesterolin LDL, kolesterolin HDL, trigliceridet dhe shenjuesit inflamator.

Studimi, botuar në Cell Metabolism, zbuloi se pjesëmarrësit në të dy grupet e agjërimit të përditshëm zvogëluan marrjen e kalorive me rreth 550 kalori çdo ditë thjesht duke iu përmbajtur orarit dhe humbën rreth 3% të peshës së tyre trupore. Studiuesit zbuluan gjithashtu se rezistenca ndaj insulinës dhe nivelet e stresit oksidativ ishin ulur në mesin e pjesëmarrësve në grupet e studimit. Nuk pati asnjë efekt në presionin e gjakut, kolesterolin LDL, kolesterolin HDL ose trigliceridet.

Gjithashtu nuk kishte ndonjë ndryshim domethënës në humbjen e peshës ose faktorët e rrezikut kardiometabolik midis grupeve të dietës 4-orëshe dhe 6-orëshe.

“Gjetjet e këtij studimi janë premtuese dhe përforcojnë atë që kemi parë në studime të tjera – dietat e agjërimit janë një mundësi e vlefshme për njerëzit që duan të humbin peshë, veçanërisht për njerëzit që nuk duan të llogarisin kalori ose të gjejnë dieta të tjera që iu shkaktojnë lodhje dhe stres ”, tha Varady. “Studimi tregon gjithashtu se nuk ka ndonjë përfitim të shtuar për humbjen e peshës për njerëzit që mbajtën një agjërim më të gjatë – derisa të kemi studime të mëtutjeshme që krahasojnë drejtpërdrejt të dy dietat ose kërkojnë të studiojnë kohën optimale për agjërimin, këto rezultate sugjerojnë që dieta  6-orësh s mund të ketë kuptim për shumicën e njerëzve që duan të ndjekin një dietë të agjërimit të përditshëm “. Burimi:Sciencedaily/Solli në shqip: Gazeta “Si”