Juventus nis javën që mund të jetë vendimtare për të fituar titullin e 9 radhazi kampion. Falë suksesit së Napolit ndaj Romës, në fakt, bardhezinjtë kanë një avantazh prej 27 pikësh ndaj vendit të pestë (që mbahet nga të kaltrit e verdhekuqtë) e janë matematikisht të kualifikuar në edicionin e ardhshëm të Champions League, duke qenë se mungojnë vetëm tetë javë nga fundi i sezonit.
Është fakt që dy ndeshjet e ardhshme vlejnë më shumë se gjysmë titulli për skuadrën e Sarrit. Dy impenjime të vështira duke pasur parasysh kalibrin e kundërshtarëve. Nis të martën në San Siro kundër Milan, që sapo ka mposhtur Lazion e tani synon Europa League. Juventus këtë vit e ka patur të vështirë kundër kuqezinjve, duke fituar ngushtë në Torino falë një goli të Dybala dhe duke arritur dy barazime në përballjen e dyfishtë në gjysmëfinalen e Kupës së Italisë. Për më tepër duhet të bëjë pa dy lojtarë të rëndësishëm si Joya e De Ligt.
Por nëse Milan shqetëson, Atalanta të frikëson. Është e vërtetë që në ndeshjen e parë Dea u përmbys 3-1 në Bergamo, por armata e Gasperinit është skuadra më në formë e momentit e ka vënë në shënjestër vendin e dytë. Të shtunën në Stadium do të jetë një test i vështirë për CR7 e të tjerët, që nuk mund ti lejojnë vetes hapa fals për të kthyer në garë kundërshtarët.
Nëse kalohen këto dy pengesa të pasigurta, pastaj rruga është në zbritje e mund të nisë numërimi mbrapsht drejt titullit kampion.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
