Përfundon 3-3 sfida mes Inter e Sassuolo e vlefshme për javën e 27 të Serie A. Mbrëmje e çmendur në San Siro, me emilianët që befasuan zikaltrit në shtëpi pas 4 minutash falë Caputos. Inter përmbys gjithçka në pjesën e parë falë penalltisë së Lukaku dhe golit të parë me fanellën zikaltër të Biraghi.
Në 10 minutat e fundit të pjesës së dytë ndodh gjithçka: Berardi barazoi gjithashtu me penallti, pastaj Borja Valero gjeti avantazhin përsëri, por në të 89 Magnani dënoi Inter në një barazim gjithsesi të merituar për djemtë e De Zerbi. Me ketë humbje Inter largohet edhe me shumë nga gara për titull.
STATISTIKA
– Inter nuk pësonte 3 gola në një ndeshje të Serie A nga fitorja 4-3 pikërisht ndaj Sassuolo në ndeshjen e parë.
– Nga prilli 2018 (2-3 v Juventus) Inter nuk pësonte të paktën 3 gola në shtëpi në Serie A.
– Cristiano Biraghi është shënuesi i 16-të i ndryshëm për Inter në këtë Serie A, më shumë se çdo skuadër tjetër.
– Me 19 gola, ky është sezoni i dytë më i mirë realizues për Romelu Lukaku në 5 kampionatet më të mirë europianë (pas 25 golave me Everton në 2016/17).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
