Federata e Futbollit të Maqedonisë së Veriut deklaroi përfundimin e sezonit të këtij viti për shkak të pandemisë se koronavirusit. Diçka e ngjashme, ashtu si në Francë dhe disa vende të tjera evropiane. Në një komunikatë për shtyp, liga e futbollit maqedonas deklaroi se të gjitha klubet votuan unanimisht për faktin se nuk kishte asnjë perspektivë për të përfunduar sezonin e këtij viti.
“Duke ndjekur gjendjen shëndetësore në vendin tonë, veçanërisht në ditët e fundit dhe situatën me testet pozitive me Covid 19 të konfirmuara te disa futbollist te Renova dhe Shkëndija dhe më pas procesi i vetë-izolimit, Këshilli Drejtues solli vendim ta ndërpretë sezonin garues 2019/20 në Ligën e Parë.”, thuhet në komunikatën e FFM-së.
Drejtuesit e Federatës së Futbollit të Maqedonisë për këtë vendim kanë njoftuar UEFA-n. Kampionati maqedonas u pezullua më 11 mars, ndërsa Vardar e mbylli këtë sezon në vend të parë, ku në 23 ndeshje arriti 46 pikë, 10 më shumë se Sileks.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
