Guardia di Finanza ka sekuestruar sot në portin e Ankonës plot 19 ton mbetje elektro-shtëpiake që vinin nga Gjermania dhe kishin për destinacion final Shqipërinë. Në bordin e kamionit kishte pothuajse 19 ton mbetje elektrike dhe elektronike, përfshirë furra dhe makina larëse.
Mediat italiane shkruajnë sot se pasjisjet e sekuetruara ishin pjesë e një grupi të trafikut të paligjshëm të mbetjeve elektrike.
Shoferi i kamionit, një 25 vjeçar shqiptar si dhe një tjetër shqiptar 44 vjeçar, përgjegjës për transportin dhe të dy me banim në Gjermani, u proceduan penalisht nga autoritetet doganore. Dy shqiptarët rrezikojnë gjobë nga 1.550 euro në 26,000 euro, përveç burgimit deri në 2 vjet.
Edhe në muajin shkurt të këtij viti, më shumë se 25 tonë mbetje të paligjshme, të gatshme për t’u dërguar në Shqipëri, u bllokuan dhe sekuestruan në portin e Ankonës nga stafi i Agjencisë Doganore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.