Shtohet alarmi për koronavirusin në futbollin turk. Pas rasteve që u shfaqën në orët e fundit në një klub të serie B, Erzurumspor BB, infektimet arrijnë në Super Lig. Beshiktashi, skuadër e Stambollit dhe një nga më të rëndësishmet në Turqi, ka njoftuar se tetë nga anëtarët e vet kanë rezultuar pozitivë me Covid-19, pa specifikuar nëse bëhet fjalë për lojtarë apo staf teknikë të klubit.
Në një komunikatë zyrtare, mjeku i ekipit, Tekin Kerem Ulku sqaron se testet janë kryer mbi të gjithë punonjësit e klubit. Rasti rrit më tej alarmin për rifillimin e kampionatit, caktuar për në 12 qershor.
11 mes lojtarëve dhe anëtarëve të stafit, ndërkohë, kanë rezultuar pozitivë tek Erzurumspor BB: bëhet fjalë për katër futbollistë, pesë punonjës, një anëtar i stafit teknik e një drejtues. Të gjithë janë dërguar në spital dhe janë vënë në izolim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
