Një histori që vazhdon të shkaktojë debat edhe pas gati 26 vjetësh. Diego Maradona i gjetur pozitiv pas Argjentinë-Nigeri ka krijuar gjithnjë dyshime të atyre që e kanë parë si një ndërhyrje të FIFA për të ndëshkuar zërin jashtë korit të “Diez”. Për ti kthyer polemikat ka menduar Abel Balbo, ish-sulmuesi i kombëtares Albiceleste. “Ishte hera e parë që një infermiere hyri në fushë për të zgjedhur një lojtar për kontrollin antidoping”.
Sulmues i asaj Argjentine, me një të kaluar të gjatë në kampionatin italian, Balbo ka shtuar gjatë intervistës së dhënë për TNT Sports: “Ajo që i ndodhi me Diegon ishte një komplot. Ju krijonim bezdi dhe nuk mund ta lejonin që të bëheshim kampionë bote. Ishte gjithçka shumë e çuditshme.
Diego me ne ka qenë gjithnjë shumë i sinqertë e po zhvillonte një paraqitje shumë të mirë. Por e kërkuan dhe erdhën ta merrnin, bënë gjithë atë teatër. Koha na dha të drejtë. Të gjithë e panë se në FIFA kishte diçka të errët”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
