.png)
Me një letër zyrtare, Federata Shqiptare e Futbollit i është drejtuar dy ministrive, Ministrisë të Shëndetit dhe Ministrisë së Arsimit, Sportit dhe Rinisë, duke u kërkuar bashkëpunim për mundësinë e rifillimit të kampionatit të futbollit.
Me anë të kësaj letre, e dyta pas asaj të fillimit të pandemisë, FSHF kërkon nga këto dy ministri krijimin e një grupi të përbashkët pune për të diskutuar implementimin e protokollit që është hartuar pas konsultave me ekspertë të FIFA-s dhe UEFA-s, si dhe me stafin mjekësor të Kombëtares. Federata nuk kërkon të humbë më kohë, dirsa qeveria duket se e ka marrë shtruar çështjen e sportit.
Por koha po limitohet dhe FSHF-ja e ka më të vështirë t’i japë një zgjidhje fundit të sezonit. Klubet kërkojnë me çdo kusht që të luhen ndeshjet e mbetura dhe të jetë fusha ajo që do të vendosë për fatet e sezonit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
