Dy persona janë arrestuar në Tiranë dhe dy të tjerë janë proceduar penalisht për disa vepra penale të ndryshme.
Policia thotë se është vënë në pranga një 55-vjeçar me inicialet Q. S, pasi ishte shpallur në kërkim për dhunë në familje pasi Gjykata e Shkallës së Parë i kishte caktuar masën “arrest me burg”.
Një tjetër shtetas me inicialet B. Xh, 39 vjeç banues në Shijak u kap duke drejtuar mjetin në gjendje të dehur pa leje drejtimi.
Nga ana tjetër është proceduar një 40-vjeçar me inicialet L. L, sepse në bulevardin “Gjegj Fishta”, pas një konflikti për motive të dobëta, ka goditur me përforcues grushti metalik dy persona të tjerë.
Kurse një 21-vjeçar me inicialet E. Sh u procedua pasi në rrugën “Ali Demi”, teksa drejtonte automjetin pa leje drejtimi përplasi një automjet dhe bëri dëshmi të rreme pasi prezantoi pasagjerin si drejtues të automjetit.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.