Në një mesazh për ANSA, presidenti i FIFA-s, Gianni Infantino, shpreh ndjenjat e tij në ditët e emergjencës së koronavirusit: “Zemra ime italiane është e trazuar dhe copëtuar nga imazhet e vuajtjes së tmerrshme që përshkruajnë zitë që janë duke goditur familjet e vendit tone. Sot duhet të mendojmë që të përcjellim lehtësim atyre që vuajnë, duhet të ndjekim rregullat. Futbolli që do të vijë pas virusit do të jetë krejtësisht i ndryshëm, më social dhe solidar. Sot – vazhdon Infantino në mesazhin e tij – duhet të mendojmë për të lehtësuar dhimbjet e atyre që vuajnë, të ndjekim rregullat që na thonë autoritetet shkencore. Përshëndes botën e mrekullueshme të vullnetarizmit dhe jam afër heronjve modernë që janë infermierët dhe mjekët’’.
Do të rikthehet edhe koha e futbollit dhe kur të rikthehet do të festojmë së bashku daljen nga ky makth së bashku – nënvizon Infantino -. Një mësim, megjithatë, unë së pari dhe ju duhet ta kemi kuptuar: futbolli që do të vijë pas virusit do të jetë krejtësisht i ndryshëm, gjithëpërfshirës , më shumë social dhe mbështetës, njëkohësisht më global, më pak burokratik dhe më mikpritës. Do të ketë një gjë të barabartë: festimin e golit dhe përqafimin për të shprehur këtë emocion. Do të jemi më të mirë, më njerëzorë dhe më të vëmendshëm ndaj vlerave të vërteta “.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
