Në kuadër të masave për koronavirusin në vend, ambasadorja amerikane në Tiranë, Yuri Kim, ka anuluar takimin në shkollën e Magjistraturës.
Lajmin e ka bërë me dije nëpërmjet përmes rrjeteve sociale, ambasada amerikane, ku shpërndan edhe një mesazh të ambasadores Kim.
“Nuk mund të vizitoj Shkollë e Magjistraturës ashtu si ishte paracaktuar – Ambasada e SHBA mbështet rregullat e qeverisë për COVID-19, por doja të falënderoja drejtorin Sokol Sadushi dhe ekipin e tij për punën e tyre të shkëlqyer me programin Drejtësi për të gjithë të USAID/Albania dhe partnerët e tjerë ndërkombëtarë, në zbatimin e reformës në drejtësi.
Lajm i mirë që Shkolla e Magjistraturës ka një kurrikulë të plotë për Administrimin e Gjykatave dhe një model modern të sallës së gjyqit për trajnimin e gjykatësve të rinj”, thuhet në njoftimin e ambasadës amerikane.
Nga të dhënat e fundit të Ministrisë së Shëndetësisë, numri i të infektuarve nga koronavirusi në vendin tonë ka shkuar në 33, duke zgjeruar hartën ditën e sotme edhe me qytetin e Fierit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
