Ministria e Shëndetësisë parashikon që rastet e konfirmuara me koronavirus në vendin tonë mund të shkojnë edhe në disa qindra.
Në një intervistë dhënë për “News24”, ministrja Ogerta Manastirliu thotë se nuk mund të bëhet një parashikim i saktë, por duke iu referuar kurbave rritëse të rasteve që janë raportuar nga vendet që janë prekur para nesh nga virusi në fjalë, në skenarin më të keq parashikon me qindra të infektuar.
“Ne presim që mund të shkojmë disa qindra raste, por nuk ka një përllogaritje, përgjatë një kohe të caktuar. Kemi identifikuar pacientin zero, kemi nisur me investigimin epidemiologjik. Më pas vijojmë me evidentimin e rasteve të reja”, tha ajo.
Ministrja zbuloi gjithashtu se pacientja e shtruar në Durrës është një e moshuar, 74 vjeç që aktualisht është me frymëmarrje artificiale në spitalin e qytetit bregdetar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
