Koronavirusi po bëhet gjithnjë e më alarmant edhe në futboll. Ish-mesfushori danez i Juventus, Christian Poulsen, aktualisht ndihmësi i Ten Hag tek Ajax, është vënë në karantinë së bashku me dy pjesëtarë të tjerë të stafit. Ata kishin marrë pjesë në një festë ditëlindjeje në të cilën ishte i pranishëm edhe Thomas Kahlenberg, ish-lojtari i kombëtares daneze, i cili doli pozitiv ndaj testit të koronavirus. Lajmin e ka bërë të ditur ‘De Teleegraf’. Javën e kaluar Ajax u përball me Getafe në Europa League, që të enjten do të luajë kundër Inter në San Siro në ndeshjen e parë të 1/8 të finaleve të kompeticionit.
“Është e vërtetë që në shtëpi janë tre pjesëtarë të stafit në formë parandaluese”, ka deklaruar zëdhënësi i Ajax Miel Brinkhuis. Poulsen e dy të tjerët nuk kanë shfaqur simptoma për koronavirus. “Nëse situate mbetet kjo ata do të kthehen të punojnë të premten e ardhshme“.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
