Enkelejda Muçaj është emëruar në krye të Avokaturës së Shtetit, duke zëvendësuar në këtë post Artur Metanin, që u zgjodh në Inspektor i Lartë i Drejtësisë.
Vendimi është marrë në mbledhjen e kësaj të mërkure të Këshillit të Ministrave. Muçaj ushtron profesionin e juristes prej vitesh, ndërkohë që specializimi i saj lidhet me të drejtën e autorit dhe tregtinë, duke shërbyer edhe si këshilltare ligjore për Qeverinë shqiptare në negociatat e anëtarësimit për në Organizatën Botërore të Tregtisë.
Ndërkohë, po në këtë mbledhje Këshilli i Ministrave ka miratuar marrëveshjen e lëvizjes së lirë, pa viza me Republikën e Guajanës, një shtet i vendosur në Amerikën Latine që kufizohet me Brazilin, Venezuelën, Surinamin dhe Guajanën Franceze.
Guajana u bashkohet listës së vendeve amerikano-latine me të cilat Shqipëria gëzon lëvizjen e lirë pa viza, mes të cilave edhe Kolumbia dhe Peruja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
