Tre persona janë arrestuar për vdekjen e punëtorit Asllan Jaupaj dhe plagosjen e një tjetri në guroren e Krujës.
55-vjeçari Jaupaj humbi jetën një ditë më parë, pas shpërthimit të tritolit në një gurore në Nikël të Krujës. Ndërkohë i plagosur mbeti edhe shtetasi Gani Demnushi, i cili kishte vetëm dy ditë që ishte punësuar.
Policia ka arrestuar sot në flagrancë shtetasin N. J., 42 vjeç, banues në Tiranë, me detyrë përfaqësues ligjor i firmës si dhe shtetasit B. C., 32 vjeç, banues në Kurcaj, Krujë dhe G. D., 48 vjeç, banues në Tiranë, punonjës të firmës.
Ndërkohë janë shpallur në kërkim shtetasi K. M., 34 vjeç, banues në Tiranë, me detyrë administrator, si dhe shtetasi A. K., 66 vjeç, banues në Tiranë, me detyrë drejtues teknik.
Materialet i kaluan Prokurorisë së Rrethit Gjyqësor Krujë, për veprat penale “Shkelja e rregullave të mbrojtjes në punë” dhe “Mbajtja pa leje e lëndëve plasëse”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
