Skuadra e Laçit ka mposhtur Luftëtarin me rezultatin 0-2, në një sfidë ku nuk munguan kontestimet. Pjesa e parë u mbyll me rrjeta të paprekura, Dy skuadrat krijuan pak raste për të shënuar, ku diferencën e bëri nje penallti e dyshimtë për Nwabueze, i cili nuk gaboi nga pika e bardhë. Ndërkohë në minutën e 88-të, Xhixha dyfishoi rezultatin, duke vulosur suksesin për kurbinasit.
Skënderbeu ka befasuar Vllazninë me rezultatin 0-1, në sfidën e zhvilluar në “Loro Boriçi”. Korçarët i falen një gol të sulmuesit, Blerim Krasniqi, në sekondat e fundit të takimit. Me këtë rezultat, shkodranët e kanë më të vështirë për të dalë nga zona e “play-out”-it.
Në ndeshjen tjetër, Bylisi vazhdon të mos gjejë fitoren e parë për vitin 2020, teksa Flamurtari i merr një barazim shumë të rëndësishëm brenda në shtëpi. Skuadra vendase e ka dominuar pjesën më të madhe të ndeshjes, me portierin Hidi që humbi penalltine. Një rast për t’u përmendur është dhe përplasja e Goxhës me Carlos Henrique, ku të dy futbollistët përfunduan në spital.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
