Një aksident ka ndodhur mëngjesin e kësaj të shtune te rrethrrotullimi pranë Urës së Dajlanit në Durrës, ku kanë mbetur të plagosur dy efektivë policie.
Policia thotë se ngjarja ka ndodhur rreth orës 02:00, në vendin e quajtur “Ura e Dajlanit”, ku automjeti i Patrullës së Përgjithshme që ishte duke patrulluar në zonë është goditur nga mbrapa nga një mjet tip “Volkswagen”.
Mjeti drejtohej nga shtetasi me iniciale E. J., 22 vjeç, i cili ishte nën efektin e alkoolit në masën 0.44 mg/l.
Siç njofton policia, si pasojë e goditjes janë lënduar lehtë pa asnjë problem për jetën dy punonjës policie.
Drejtuesi i mjetit është shoqëruar në ambientet e Policisë për veprime të mëtejshme.
Ndërkohë, grupi hetimor po punon për zbardhjen dhe shkakun e aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
