Gjykata e Durrësit ka dhënë këtë të enjte masën e sigurisë “arrest me burg” në mungesë për nëntë personat, zyrtarë dhe ish-zyrtarë të shpallur në kërkim për pasojat e tërmetit të 26 nëntorit.
Gjykata ka lënë masën e sigurisë arrest me burg Flamur Gjuzin, ish-drejtori i ALUIZNIT Durrës, dhe ish-kandidat i LSI për deputet; Artur Cela, ish-drejtori i INUV; Artemis Malko, punonjës terreni në Kadastrën e Durrësit; Artur Terziu, pronari i “Bar Barons”’; Arben Qato pronar i Vila Palma; Dëshira Qato-shefe e urbanistikës në Kavajë (Gruaja e Arben Qatos); Aldo Dakovelli, shef sektori në Kadastrën e Durrësit si dhe Skerdiliad Bello dhe Rasim Shehu.
Në mbrëmjen e 13 dhjetorit të vitit të kaluar policia bëri një sërë arrestimesh në Durrës, të cilët e kanë shkelur ligjin, duke parashtruar dëmet e shkaktuara nga tërmeti. Mbi këta persona rëndojnë akuzt e “Vrasje me dashje të kryer në mënyrë indirekte”, “Shpërdorim detyre” dhe “Falsifikim dokumentesh”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
