Një sasi eksplozivi ka shpërthyer gjatë natës në fshatin Gocaj të Lezhës.
Mësohet se lënda eksplozive është vendosur në derën e një dyqani në pronësi të shtetasit Arben Malotaj, duke shkaktuar vetëm dëme materiale.
Ndërkohë, familja Malotaj pretendon se nuk ka asnjë konflikt dhe nuk i di arsyet e vendosjes së kësaj sasie eksplozivi në biznesin e tyre.
Policia dhe grupi hetimor kanë mbërritur në vendin e ngjarjes dhe po punojnë për të mësuar shkaqet e plota të saj, si dhe për të identifikuar autorët e vendosjes së eksplozivit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
