Policia ka arrestuar një tjetër bashkëpunëtor për pengmarrjen e 49-vjeçarit Jak Prenga në Kamëz.
Bëhet fjalë për 30-vjeçarin Festim Bixhdili, banues në Kavajë.
49-vjeçari Prenga u mor peng më 17 janar në Kamëz, por vetëm një ditë më parë, policia konfirmoi vdekjen e tij nga humbja e gjakut, pas dhunës e torturave, ndërsa u arrestuan katër persona, Bajram Hajri, Leonard Hajri, Olsi Turja dhe Elton Hajri.
Në cilësinë e provës materiale, 30-vjeçarit nga Kavaja i janë sekuestruar dy telefona dhe një sasi prej 850 eurosh.
Policia në një deklaratë zyrtare tha se rrëmbimi i tij, i ndodhur prej rreth dy javësh në Kamëz ka ardhur si pasojë e një konflikti që një nga vëllezërit e viktimës ka pasur me organizatorët dhe rrëmbyesit, si pasojë e disa konflikteve kriminale në Angli.
Pra, duket që e gjithë kjo është bërë për hakmarrje dhe ka në mes pazare droge.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
