Reshjet e borës që kanë vijuar gjatë natës kanë bërë që zonat e larta malore të Korçës, siç janë fshatrat turistikë si Dardha dhe Voskopoja, të mbulohen nga bora, e cila ka arritur 5-10 cm.
“Trashësia e dëborës në Voskopojë, Dardhë, Qafa e Qarrit ka arritur deri në 5-10 cm”, njofton ARRSH.
ARRSH thotë se “kontraktorët kanë qenë në gatishmëri, është bërë pastrimi i rrugës dhe hedhja e kripës” dhe se qarkullimi kryhet normalisht pa zinxhirë.
Ndërkohë, u bëhet apel drejtuesve të mjeteve, që zgjedhin të kalojnë në këto akse të tregohen të kujdesshëm për shkak të prezencës së lagështisë në rrugë, të reduktojnë shpejtësinë dhe të respektojnë sinjalistikën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
