Qeveria ka vendosur që administrata të jetë pushim deri në 6 janar. Ditët 1 dhe 2 janar janë pushim për shkak të Vitit të Ri, që respektivisht i bie e mërkurë dhe e enjte. Por në mbledhjen më të fundit, qeveria ka vendosur që edhe 3 janari, ditë e premte të jetë pushim për punonjësit e administratës. Kjo për t’i lënë pushim gjithë fundjavën.
Në vendimin e marrë, qeveria ka vendosur që 3 janari do të zëvendësohet në një nga ditët e pushimit brenda muajit janar.
Do të jenë vetë institucionet që do ta vendosin ditën kur do të caktojnë ditën e punës, që normalisht i bie që të jetë në ditët e fundjavave. Kjo është një praktikë e ndjekur edhe më herët nga ana e qeverisë, ku ka caktuar pushim ditën e premte, me qëllim për të mos nxjerrë administratën në punë për një ditë. Për këtë vitit nëpunësit e administratës janë në punë deri më datë 31 dhjetor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
