Arta Vorpsi dhe Marsida Xhaferrllari mbërrijnë në Gjykatën Kushtetuese

09:29 - 15 Nëntor 2019

Një ditë pas betimit, anëtarët e Gjykatës Kushtetuese janë paraqitur sot në punë.
Në fillim ka mbërritur Arta Vorpsi, e cila u “betua” te noterja Miranda Xhemalçe, duke shmangur presidentin Meta.
Dhe pak minuta më vonë në ambientet e Gjykatës Kushtetuese ka mbërritur anëtarja tjetër e dekretuar nga kreu i shtetit, Marsida Xhaferllari.
Më pas në Gjykatë janë paraqitur Besnik Muçi dhe Vitore Tusha, të cilët u betuan një ditë më parë te Presidenti. Besnik Muçi nuk e ka kaluar ende procesin e vettingut.
Mbrëmjen e djeshme, në Presidencë u zhvillua ceremonia e betimit të 3 anëtarëve të Gjykatës Kushtetuese, Elsa Toska, Besnik Muçi, Fiona Papajorgji dhe Marsida Xhaferllari.
Pas betimit të tyre reagoi edhe presidenti Ilir Meta.
“I lumtur që më në fund, pas dy vitesh, fillon sot nga funksionimi Gjykata Kushtetuese e Republikës së Shqipërisë!
Urime tre anëtareve të reja të kësaj Gjykate, znj.Elsa Toska, znj.Marsida Xhaferllari dhe znj. Fiona Papajorgji!”, shkruante Meta në “Facebook”.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.