.png)
Së fundmi, Jennifer Lopez publikoi disa pamje nga prapaskena e kërcimeve që iu desh të mësonte për rolin. Filmi i saj i shumëpritur do të shfaqet javën tjetër, por para se Jennifer të vishte kostumin e Ramonës ajo kaloi 6 javë me trajnerin Johanna Sapakie duke mësuar mbi kërcimin në tub.
“Dua të them, kjo është po aq e vështirë sa cdo gjë që kam mësuar ndonjëherë”, thotë Jennifer në një video ku flet mbi eksperiencën. “Mund të jetë më e vështira.” Për të filluar provat, këngëtarja fillimisht e transformoi shtëpinë në një studio me pasqyra, duke e kompletuar me parket enkas për të kërcyer dhe një tub lëvizës. Pasi vesh takat e larta me platformë, Lopez mëson të kapet, të ngjitet, të rrotullohet dhe madje edhe të kthehet përmbys nën instruksionet e Sapakie.
“Cardi po më thoshte që iu deshën vite”, thotë Lopez mbi lëvizjet e vështira të cilat kishte vetëm pak kohë ti mësonte. “Ajo është e mrekullueshme në atë gjë, por iu deshën vite që të mësonte gjithë këto gjëra dhe Johanna po mundohet të mi mësojë mua brenda 6 javësh”. Por si dikush që ka kërcyer për dekada Lopez mëson shpejt duke treguar dhe fizikun e saj të tonifikuar gjatë rrugës.
Ndërkohë që filmi nuk do dalë deri në 13 shtator mund të shihni këtë video dhe ndoshta muskujt e JLo do ju shërbejnë si inspirim për stërvitjen e javës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
