Dy të dekur dhe 2 të plagosur është bilanci i një përleshjeje të armatosur në një prej lagjeve të Prishtinës. Ngjarja e rëndë ka ndodhur në zonën e njohur si “Lagjja e Spitaleve” pak pas mesditës së të enjtes.
Të shtënat e shumëfishta kanë shkaktuar panik tek kalimtarët dhe banorët e zonës dhe në momentin kur kanë mbërritur patrullat policore, kanë gjetur të plagosur katër persona.
Ata janë shoqëruar menjëherë për në spital për të marrë ndihmën e nevojshme mjekësore. Fatkeqësisht, njëri prej të lënduarve nuk u ka mbijetuar plagëve të marra nga plumbat dhe ka ndërruar jetë. I dyti humbi jetën rreth orës 19.30.
Ndërkohë, policia e Kosovës ka nisur hetimet për zbardhjen e ngjarjes dhe motivet që çuan në shkrehjen e armës në mes të ditës në një zonë të populluar, ndërsa në rrjet qarkullon një video ku tregohet një person duke qëlluar mbi katër personat e tjerë.
Paraprakisht dyshohet se Sipas se konflikti që pasoi ngjarjen e rëndë ka nisur për ka çështje pronësie.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.