.png)
Rreth 30 kilogramë kanabis sativa në formë bohçeje, u gjet e hedhur në breg të liqenit të Shkodrës.
Ishte gazetari i ABC News, Simon Shkreli, që zbuloi këtë sasi kanabisi, i cili menjëherë ka njoftuar Policinë e Shkodrës.
Shkreli ndodhej në këtë zonë, ku po përgatiste një reportazh për ndotjen e liqenit dhe gjatë vëzhgimeve ka gjetur dhe sasinë e bimës narkotike.
Ai raporton se një pjesë ishte e futur në qese plastike, ndërsa pjesa tjetër ishte e shpërndarë në breg.
Nuk dihen rrethanat se si kjo sasi droge ka përfunduar aty, por policia nuk ka gjetur poseduesit e saj.
Dyshohet se trafikantët e kanë braktisur pasi aksidentalisht mund t’u ketë rënë në ujë dhe u ka dalë jashtë përdorimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
