Presidenti Ilir Meta kërkon përgjegjësi dhe reflektim nga klasa politike pas mocionit të parlamentit holandez, që i kërkon qeverisë vendase të bllokojë hapjen e negociatave të anëtarësimit me Shqipërinë.
“Të mos humbasim këtë moment historik për të hedhur një hap përpara drejt Europës. Të bëjmë çdo përpjekje për mosshkëputjen nga përparimi i fqinjit tonë Maqedonisë së Veriut”, shkruan Meta në rrjetet sociale.
Presidenti e cilëson një detyrim historik anëtarësimin në BE dhe kërkon nga politika kompromis dhe bashkëpunim.
Meta nuk ka komentuar krizën politike dhe as përplasjen institucionale me Kuvendin sa i takon vlefshmërisë së dekretit të nxjerrë prej tij, që anulon 30 qershorin si datë zgjedhjes. Presidenti pritet të dalë në orën 17:00 në një konferencë të jashtëzakonshme për mediat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.