Rreth 20 minuta pasi mbylli protestën mbrëmjen e së shtunës me një fjalim në selinë blu, kryedemokrati Lulzim Basha mblodhi në zyrën e tij, ish-Grupin Parlamentar, Kryesinë e PD dhe kolegjin e kryetarëve.
Mbledhja, e cila nisi në 21:45 përfundoi pas gjysmë ore dhe u vendos që data e protestës së radhës të zhvillohet në 31 maj.
Arsyeja e vendosjes për zhvillimin e protestës më 31 Maj, është se kjo ditë është zgjedhur nga kryeministri Edi Rama për të nisur zyrtarisht fushatën elektorale.
Gjithashtu, mësohet se është diskutuar edhe mundësia e uljes në tryezën e dialogut me mazhorancën e majtë, me ndërkombëtarët që me shumë mundësi do të jenë ata që do të çojnë palët drejt negociatave për zgjidhjen e krizës politike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.